Financa5 Enterprise

Raportimet për aktivitetin e biznesit janë të organizuara sipas moduleve:

Gjithashtu për çdo modul është dhe paketa e raporteve të ashtuquajtura 'speciale' të cilat janë ndërtuar sipas kërkesave konkrete të kompanive në ndjekje të proçeseve specifike në biznesin e tyre.

Raportet përdorin teknika të ndryshme në paraqitjen e rezultatit si tabela pivot, rezultat në rreshta, grafik të ndryshëm etj. Rezultati i raportit afishohet në Ekran, Printer dhe mund të eksportohen në formate standarde të njohura si Word, Excel, PDF, ASCII, XML etj. Paraqitja grafike e rezultatit është lehtësisht e konfigurueshme sipas dëshirës së përdoruesit si në formate column, pie, in-line etj.

Filtrat (të dhënat e nevojshme për ndërtimin) e raportit mund të konfigurohen, personalizohen dhe të ruhen në trajtë arshive sipas dëshirës dhe nevojës së përdoruesit duke i krijuar kështu lehtësi në përdorimin e tyre.

Ambienti i afishimit të rezultatit është i pasuruar me mjete të ndryshme si kërkime, pozicionime të shpejta, grupime etj.

Saktësi në transferimin dhe raportimin e veprimeve të magazinës, në përllogaritjen e kostove të mallrave sipas metodave ligjore duke ofruar mbi 400 raporte menaxheriale, e cila përbën avantazhin konkurues në organizimin e tij.

Financa5 u krijon mundësi subjekteve të përpilojnë fatura për qarkullim apo tregtim mallrash dhe shërbimesh të personalizuara (me mbi 2000 modele printimi) në formate të parapërgatitura sipas kërkesave specifike të kompanive bazuar në natyrën e aktivitetit të kompanisë duke plotësuar në radhë të parë kërkesat për dokumentacionin shoqërues të organeve tatimore. Një pjesë e madhe e këtyre modeleve kanë dhe aprovimin ligjor të miratura nga organet përkatëse.

Mundësi hartimi dhe përpilimi oferta çmimesh në periudha kohore të paracaktuara dhe aktivizimin e tyre automatik në fashën e vendosur. Çdo përdorues i programit ndiqet në log-un e veprimit në program, duke rritur kështu sigurinë dhe besueshmërinë në instancat më të larta manaxheriale. Financa 5 renditet në treg si një nga programet më fleksibël, të thjeshtë e të besueshëm, përshtatur dhe pasuruar në nevojat e çdo subjekti.

Programi pasqyron në mënyrë të plotë dhe të saktë çdo vendim apo ndryshim të legjislacionit në fuqi, pasurohet në mënyrë të vazhdueshme me funksionet sipas kërkesave dhe ndryshimeve të Standardeve Kombëtare të Kontabilitet (SKK) dhe Standardeve Ndërkombëtare të Kontabilitetit (SNK).

Pasurohet vazhdimisht me zgjidhje të sakta dhe të shpejta për të gjitha kërkesat e proçesit të fiskalizimit. Sistemi ndërton informatizimin e aktivitetit dhe pasqyrave financiare (bilanci, rezultati i aktivitetit, cash-flow), bazuar në planin kontabël publik ose privat të llogarive duke konfiguruar, shtuar, apo detajuar llogaritë e tij, edhe në gjuhë të huaj italisht/anglisht etj, sipas nevojave të profilit ekonomik të aktivitetit.

Financa5 ka të implementuar saktë dhe thjeshtë metodën e punimit dhe ndërtimit të dokumentave si dhe të pasqyrave financiare bazuar në kontabilitetin analitik të proçeseve.

Ndërtimi i shpejtë, komod dhe sa më i plotë me të dhëna të dokumentave është një element epërsie i punës me programin. Ka mënyra të shumta për ti ndërtuar ato bazuar në dokumenta të ngjashme tashmë të krijuar më përpara në sistem duke rritur kështu shpejtësinë dhe saktësinë në ndërtimin e tyre.

Për shembull për ndërtime fatura të ngjashme mund të përdoren mjetet e importimit të elementeve nga një tjetër faturë tashmë e krijuar, e cila mund të kërkohet dhe të gjendet me ndihmën e listave të dokumentave. Sistemi mundëson importim të referencave (në grup) ose dokumentave (kryesisht ato me shumë elemente si për shembull faturat e blerjes) ndërtuar paraprakisht në formate të njohura si Excel, XML etj.

Financa5 ka tashmë të implementuar mjete të shpejta dhe të thjeshta për ndërtime dhe lidhje në mënyrë automatike të dokumentave. Dokumenti i daljes nga një magazinë mund të gjenerohet në mënyrë automatike në një dokument hyrje për magazinën, destinacioni ku shkon malli, duke eleminuar kështu humbjen e kohës dhe duke rritur njëkohësisht saktësinë në ndërtimin e dokumentit. Të njëjtën gjë mund të themi dhe për komunikimet e dokumentave xhiruese arkë-arkë apo arkë-bankë dhe anasjelltas, ndërtime dokumenta fature nga dokumentat porosi ose ofertë ose anasjelltas etj.

Versioni Enterprise lejon përpilimin e disa dokumentave njëkohësisht brenda një moduli apo një tip dokumenti si për shembull disa dokumenta fature apo porosi në të njëjtën kohë.

Fillim i punës në një ndërmarrje të re realizohet relativisht lehtë me mjetet e sistemit duke importuar referencat dhe dokumentat e çeljes si artikujt, inventarët, gjendjet e llogarive, gjendjet e debitorëve apo kreditorëve etj, nga të dhënat e një ndërrmarje tjetër të ndërtuara me Financa5 apo nga formate të njohura si Excel, ASCII, XML etj.

Menaxhimi i mjeteve monetare kryhet në keto dy module arka/banka në valuta të ndryshme. Puna në këtë modul koniston në regjistrimin dhe kontabilizimin e veprimeve të ndryshme si : Likuidim të faturave të papaguara në mënyrë manuale ose automatike (likuidim në grup), sipas metodës së pikëzimit të dokumentit likuidues me faturën ose metodës së likudimit në grup të faturave.

Ndërtimi i shpejtë dhe i thjeshtë të dokumentave transferues apo xhirimeve të brendshme monetare ndërmjet moduleve arkë-arkë, bankë-bankë apo arkë-bankë, shoqëruar me mjete për kontrollin dhe evidentimin e tyre. Raporte për kontrollin e likuidimeve, dokumentave xhiruese si dhe analizave të plota të cash-it, aftësive paguese etj.

Programi ndërton dokumenta shitje (faturime) të shoqëruara me elementë të shumtë fiskal, menaxhimi etj. Ekranet për ndërtimin e dokumentave janë shumë të pasura me mjete për realizimin e shpejtë, thjeshtë dhe me mjaft të dhëna shoqëruese, të cilat ndihmojnë në personalizimin e modeleve të printimit si dhe në pasurimin e raporteve për analiza të detajuara mbi të dhënat.

Financa5 zbaton një politikë dinamike të çmimeve të artikujve bazuar në kategorizimin e mallrave, klasifikimet e klientëve si dhe të ofertave dinamike në kohë, kështu çmimi i shitjes për një produkt mund të përcaktohet duke u bazuar në çmimin e klasës (40 të tilla) apo kategorisë së artikullit, çmim preferencial apo çmim klase për blerësin, çmime oferte me periudha të përcaktuara dhe kufizuar në kohç etj.

Dokumentat e shitjes mund të pasurohen edhe me mjaft elementë menaxherial të tipit agjent shitje, elementë specifik sipas natyrës së biznesit, kategorizim faturash etj, Printimi i një fature përmban jo vetëm të gjithë elementët fiskal të detyrueshëm sipas ligjeve të organeve tatimore, por mund të shoqërohet edhe me elementë menaxherial me qëllim personalizimin e saj në dobi të biznesit.

Raportet mbi të dhënat e shitjes janë ndër formatet më të përpunuara të raportimit, ku përfshihen raportimi i librave të shitjes, raportet e detyrimeve dhe likuiditeteve të faturave, raportet e shitjes së artikujve, raportimet e marzheve, zbritjeve etj. Një pjesë e rëndësishme janë edhe raportet 'speciale' që ndërtohen për klientë të vecantë bazuar në natyrat specifike të biznesit.

Kontabilizimi i faturave të blerjes me artikuj, me shërbime, me llogari si shpenzime (përmes opsionit shërbime të personalizuara), kthimet e mallit, importet, faturat e kombinuara (artikuj dhe shpenzime)

Subjektet përmes kartelës së furnitorit mund të përcaktojnë termat e likuidimit të faturave,afatet e likuidimit si dhe termat e kontratës me furnitorët

Raporte bazë në ndjekje detyrimesh me furnitorët dhe raporte menaxheriale për artikujt e blerjes

Libri i Blerjes reflekton në kohë reale veprimet e kontabilizuara tek faturat e blerjes

Moduli i Inventarit është shumë i rëndësishëm për subjektet tregtare, edhe ato në prodhim të produkteve. Mundëson regjistrimin e artikujve material, gjysëm-produkt dhe produkte (me recepturë), i pasuruar me nivele të ndryshme të klasifikimit të tyre, si edhe ofron menaxhim dinamik të çmimeve (klasa çmimesh, oferta, çmime preferenciale, çmime kufi (min/max) etj).

Në këtë modul bëhet e mundur ndërtimi dhe ndjekja e dokumentave të lëvizjes së mallrave të magazinës në drejtime dhe destinacione të caktuara. Për këtë qëllim në sistem ka mjaft teste për të dhënat si dhe formate raportimi për të kontrolluar saktësinë e dokumentave, lëvizjen e amballazhit, klasifikimet e firove, ndjekjen e serive (lotëve) dhe skadencat, dokumentit shoqërues të mallit, ditarine e magazinës, si edhe raport kartele krahasuese të artikujve me vitet e mëparshme etj.

Sistemi ndjek gjithashtu menaxhimin e stokut edhe në rang magazinash, kontroll për minimumin/maksimumin e lejuar të gjendjes, testim mbi limitet, shpërndarjen e artikujve të kthyeshëm (artikuj në përdorim ose amballazh) etj.

Dokumentat e lëvizjes së mallit nga magazina kanë gjithashtu të gjitha të dhënat e nevojshme dhe të domosdoshme (transportuesi, destinacioni SN e subjektit ose për të tretët) për proçesin e fiskalizimit, në përputhje me standardet sipas legjislacionit në fuqi.

Financa5 mundëson konfigurimin, organizimin dhe raportimin e kontabilitetit me qendra kostosh duke u kujdesur që efektin kontabël të çdo dokumenti ta paraqesi të detajuar në llogari analitike. Ky proçes bëhet që në ndërtimin e dokumentit pa kërkuar kohë dhe mund shtesë për rikonfiguime të ndryshme të mëvonëshme. Kjo mënyrë pune reflektohet edhe tek pasqyrat financiare të raportimit në Shqipëri apo jashtë vendit, me mundësi personalizimi edhe në një gjuhë të dytë.

Programi ka gjithashtu një paketë të plotë raportesh për analiza të llogarive analitike, formatin Pivot, zërave të kostos si dhe efektin e tyre ne aktivitetin ekonomik të biznesit.

Financa5 Enterprise ka të implementuar si pjesë të rëndësishme të saj edhe modulin e aktiveve afatgjata.

Në këtë modul, bazuar në dokumentat e ndërtuara në sistem, ndërtohet ditari kronologjik i veprimeve të aktivit me të gjitha operacionet si Celje apo Blerje, Mirëmbajtje, llogaritje Amortizimi, Shërbime të ndryshme, Transferime apo Ndryshime vendndodhje/përdoruesi, Çregjistrime, Shitje apo Nxjerje jashtë përdorimi të aktivit etj.

Sistemi është i plotë duke filluar me konfigurimin e kartelës së aktivit, përcaktimi i kategorisë dhe normës së amortizimit, skemës kontabile për pasqyrimin e veprimeve në Libër të madh etj. Ai jep mundësinë e amortizimit të aktivit në disa mënyra (amortizim sipas standarteve SNK apo SKK) si dhe krahasimin e vlerave midis këtyre metodave.

Veprimet me aktivin duke përfshirë Celje, Transferime, Amortizimet, Çregjistrim etj. mund të bëhen të grupuara ose individuale si prsh Amortizime apo çregjistrim në momentin e shitjes së tij. Moduli ka gjithashtu paketën e plotë të raportimit ku pasqyrohen të gjitha veprimet me aktivin sipas standarteve SKK apo SNK, si dhe pasqyrat e detyrueshme ligjore për organet tatimore.

Moduli i të drejtave të përdorimit brenda Financa5 Enterprise konfiguron për çdo përdorues mënyrën e tij të punës, kufizon ose lejon atë të punojë në module apo dokumenta të ndryshme si dhe përcakton çdo të drejtë të tij brenda një dokumenti dhe reference.

Për një përdorues përcaktohet më perpara kodi i tij (User) dhe fjalëkalimi i tij, si dhe roli që ai ka në program si psh operator shitje, operator magazine, administrator programi etj. Konfigurimi i të drejtave për të mund të jetë i kufizuar jo vetëm në operacionet bazë si [Shtim], [Modifikim], [Fshirje] apo [Modifikim], por edhe në afishimin ose jo të të dhënave të veçanta brenda një ekrani dokumenti në ndërmarrje të ndryshme.

Përdoruesit e programit i përcaktohen edhe të drejtat e komunikimit me të dhënat si psh i lejohet ose jo e drejta për Printim të të dhënave, Export apo Importim të tyre. Veprimet e operatorit regjistrohen në Ditarin e Veprimeve, i cili është mjet shumë i mirë për verifikimin dhe kontrollin e gabimeve gjatë punës. Të dhënat tek Ditari i veprimeve janë një informacion i plotë mbi operatorin, kohën e kryerjes të veprimit, adresën e kompjuterit, vleftat e ndryshuara etj.

Çdo përdorues duhet të hyjë (logohet) në program me kodin dhe fjalëkalimin e tij.

Financa5 u mundëson bizneseve mbartjen e të dhënave kontabël nga një vit në tjetrin.

Një kompani mund të vazhdojë të ndërtojë aktivitetin e saj për disa vite pa ndryshuar asgjë (në të njëjtën databazë). Por në disa raste kur biznesi shoqërohet me një numër të madh regjistrime të të dhënave, të cilat sjellin vonesa dhe ngadalësime të konsiderueshme të veprimeve informatike, rekomandohet ndarja e të dhënave.

Ndarja e të dhënave është një proçes që konsiston në importin e të gjitha referencave (Klientë, Furnitorë, Magazina, Artikuj, Aktive etj) si dhe në gjendjet e llogarive, artikujve të magazinës, debitorëve dhe kreditorëve së bashku me faturat e pashlyera, cash-in etj.

Ndarja e të dhënave realizohet ose duke importuar të dhënat nga ndërmarrja e mëparshme (viti paraardhës) ose duke importuar të dhëna nga formate standarte të njohura si Excel, Text, ASCII etj.